ye dil lagane mein main ne maza uThaya hai
mila na dost to dushman se ittihad kiya

Haidar Ali Aatish

---

---

ziyarat hogi kabe ki yahi tabir hai is ki
kai shab se hamare KHwab mein but-KHana aata hai

Haidar Ali Aatish

---

---

aae Thahre aur rawana ho gae
zindagi kya hai, safar ki baat hai

Haidar Ali Jafri

---

---

hula na paya use jis ko bhul jaana tha
wafaon se mera rishta bahut purana tha

Haidar Ali Jafri

---

---

khinch deta main zamane pe mohabbat ke nuqush
mere qabze mein agar KHama-e-shahpar hota

Haidar Ali Jafri

---

---

KHun mazdur ka milta jo na tamiron mein
na haweli na mahal aur na koi ghar hota

Haidar Ali Jafri

---

---

kis ki sada fazaon mein gunji hai chaar-su
kis ne mujhe pukara hai bachpan ke nam se

Haidar Ali Jafri

---

---