wasl ki shab thi aur ujale kar rakkhe the
jism o jaan sab us ke hawale kar rakkhe the

Haidar Qureshi

---

---

apna hi haal tak na khula mujh ko ta-ba-marg
main kaun hun kahan se chala tha kahan gaya

Hairat Allahabadi

---

---

kaha aashiq se waqif ho to farmaya nahin waqif
magar han is taraf se ek na-mahram nikalta hai

Hairat Allahabadi

---

---

gharibi amiri hai qismat ka sauda
milo aadmi ki tarah aadmi se

Hairat Gondvi

---

---

gulon se nahin shaKH ke dil se puchho
ki ye bad-numa KHar kitna hasin hai

Hairat Gondvi

---

---

hans hans ke apna daman-e-rangin diya mujhe
aur main ne tar tar kiya hae kya kiya

Hairat Gondvi

---

---

husn hai kafir banane ke liye
ishq hai iman lane ke liye

Hairat Gondvi

---

---