kuchh meri be-qarariyan kuchh meri na-tawaniyan
kuchh teri rahmaton ka hai hath mere gunah mein

Hairat Gondvi

---

---

mujhe ai rahnuma ab chhoD tanha
main KHud ko aazmana chahta hun

Hairat Gondvi

---

---

ah rah ke kaundti hain andhere mein bijliyan
tum yaad kar rahe ho ki yaad aa rahe ho tum

Hairat Gondvi

---

---

jo chal paDe the azm-e-safar le ke thak gae
jo laDkhaDa rahe the wo manzil pe aae hain

Hairat Saharvardi

---

---

kya malum kisi ki mushkil
KHud-dari hai ya KHud-bini

Hairat shimlavii

---

---

agarche us ki har ek baat khurduri hai bahut
mujhe pasand hai Dhang us ke baat karne ka

Hakeem Manzoor

---

---

apni nazar se TuT kar apni nazar mein gum hua
wo baDa ba-shuur tha apne hi ghar mein gum hua

Hakeem Manzoor

---

---