shirin ke shefta hue parwez o kohkan
shaer hun main ye kahta hun mazmun laD gaya

Haidar Ali Aatish

---

---

siwae ranj kuchh hasil nahin hai is KHarabe mein
ghanimat jaan jo aaram tu ne koi dam paya

Haidar Ali Aatish

---

---

sun to sahi jahan mein hai tera fasana kya
kahti hai tujh ko KHalq-e-KHuda ghaebana kya

Haidar Ali Aatish

---

---

tabl-o-alam hi pas hai apne na mulk o mal
hum se KHilaf ho ke karega zamana kya

Haidar Ali Aatish

---

---

tabl-o-alam hi pas hain apne na mulk-o-mal
hum se KHilaf ho ke karega zamana kya

Haidar Ali Aatish

---

---

talab duniya ko kar ke zan-muridi ho nahin sakti
KHayal-e-abru-e-himmat-e-mardana aata hai

Haidar Ali Aatish

---

---

Thik aai tan pe apne qaba-e-barahnagi
bani libas chhoTe hue ya baDe hue

Haidar Ali Aatish

---

---