tere abru-e-pewasta ka aalam mein fasana hai
kisi ustad shaer ka ye bait-e-ashiqana hai

Haidar Ali Aatish

---

---

us bala-e-jaan se 'atish' dekhiye kyunkar bane
dil siwa shishe se nazuk dil se nazuk KHu-e-dost

Haidar Ali Aatish

---

---

uTh gai hain samne se kaisi kaisi suraten
roiye kis ke liye kis kis ka matam kijiye

Haidar Ali Aatish

---

---

wahi pasti o bulandi hai zamin ki aatish
wahi gardish mein shab o roz hain aflak hanuz

Haidar Ali Aatish

---

---

wahshat-e-dil ne kiya hai wo bayaban paida
saikDon kos nahin surat-e-insan paida

Haidar Ali Aatish

---

---

yar ko main ne mujhe yar ne sone na diya
raat bhar tala-e-bedar ne sone na diya

Haidar Ali Aatish

---

---

ye aarzu thi tujhe gul ke ru-ba-ru karte
hum aur bulbul-e-betab guftugu karte

Haidar Ali Aatish

---

---