kis ki talash hai hamein kis ke asar mein hain
jab se chale hain ghar se musalsal safar mein hain

Aashufta Changezi

---

---

ye baat yaad rakhenge talashne wale
jo us safar pe gae lauT kar nahin aae

Aashufta Changezi

---

---

main apne aap mein gahra utar gaya shayad
mere safar se alag ho gai rawani meri

Abbas Tabish

---

---

sirf ek qadam uTha tha ghalat rah-e-shauq mein
manzil tamam umr mujhe DhunDti rahi

Abdul Hamid Adam

---

---

kisi ko ghar se nikalte hi mil gai manzil
koi hamari tarah umr bhar safar mein raha

Ahmad Faraz

---

---

na manzilon ko na hum rahguzar ko dekhte hain
ajab safar hai ki bas ham-safar ko dekhte hain

Ahmad Faraz

---

---

musafirat ka walwala siyahaton ka mashghala
jo tum mein kuchh ziyaada hai safar karo safar karo

Akbar Hyderabadi

---

---