qamat teri dalil qayamat ki ho gai
kaam aaftab-e-hashr ka ruKHsar ne kiya

Haidar Ali Aatish

---

---

qaid-e-mazhab ki giraftari se chhuT jata hai
ho na diwana to hai aql se insan KHali

Haidar Ali Aatish

---

---

akh ke munh so gae hum aatishin ruKHsaron par
dil ko tha chain to nind aa gai angaron pa

Haidar Ali Aatish

---

---

safar hai shart musafir-nawaz bahutere
hazar-ha shajar-e-saya-dar rah mein hai

Haidar Ali Aatish

---

---

saKHti-e-rah khinchiye manzil ke shauq mein
aaram ki talash mein iza uThaiye

Haidar Ali Aatish

---

---

shab-e-wasl thi chandni ka saman tha
baghal mein sanam tha KHuda mehrban tha

Haidar Ali Aatish

---

---

shahr mein qafiya-paimai bahut ki 'atish'
ab irada hai mera baadiya-paimai ka

Haidar Ali Aatish

---

---