kya zaruri hai ju-e-shir ki baat
kyun na gang-o-jaman ki baat karen

Haidar Ali Jafri

---

---

sabhi to dost hain kyun shak abas hua mujh ko
kisi ke hath ka patthar meri talash mein hai

Haidar Ali Jafri

---

---

chand ban kar chamakne wale ne
mujh ko suraj-misal kar Dala

Haidar Qureshi

---

---

daraKHton par parinde lauT aana chahte hain
KHizan-rut ka guzar jaana zaruri ho gaya hai

Haidar Qureshi

---

---

dil ko to bahut pahle se dhaDka sa laga tha
pana tera shayad tujhe khone ke liye hai

Haidar Qureshi

---

---

maut se pahle jahan mein chand sanson ka azab
zindagi jo qarz tera tha ada kar aae hain

Haidar Qureshi

---

---

pani mein bhi chand sitare ug aate hain
aankh se dil tak wo zarKHezi ho jati hai

Haidar Qureshi

---

---