جوش رحمت کے واسطے زاہد
ہے ذرا سی گناہ گاری شرط

داغؔ دہلوی

---

---

کل تک تو آشنا تھے مگر آج غیر ہو
دو دن میں یہ مزاج ہے آگے کی خیر ہو

داغؔ دہلوی

---

---

خار حسرت بیان سے نکلا
دل کا کانٹا زبان سے نکلا

داغؔ دہلوی

---

---

کی ترک مے تو مائل پندار ہو گیا
میں توبہ کر کے اور گنہ گار ہو گیا

داغؔ دہلوی

---

---

کوئی چھینٹا پڑے تو داغؔ کلکتے چلے جائیں
عظیم آباد میں ہم منتظر ساون کے بیٹھے ہیں

داغؔ دہلوی

---

---

کوئی نام و نشاں پوچھے تو اے قاصد بتا دینا
تخلص داغؔ ہے وہ عاشقوں کے دل میں رہتے ہیں

داغؔ دہلوی

---

---

کیا اضطراب شوق نے مجھ کو خجل کیا
وہ پوچھتے ہیں کہئے ارادے کہاں کے ہیں

داغؔ دہلوی

---

---