e-KHud bhi hain hoshiyar bhi hain dekhne wale
in mast nigahon ki ada aur hi kuchh hai

Abul Kalam Azad

---

---

pamal kar ke puchhte hain kis ada se wo
is dil mein aag thi mere talwe jhulas gae

Agha Shayar Qazalbash

---

---

pahle is mein ek ada thi naz tha andaz tha
ruThna ab to teri aadat mein shamil ho gaya

Agha Shayar Qazalbash

---

---

haya se sar jhuka lena ada se muskura dena
hasinon ko bhi kitna sahl hai bijli gira dena

how easy is for these maidens to make the lightening fall

Akbar Allahabadi

---

---

lagawaT ki ada se un ka kahna pan hazir hai
qayamat hai sitam hai dil fida hai jaan hazir hai

Akbar Allahabadi

---

---

aafat to hai wo naz bhi andaz bhi lekin
marta hun main jis par wo ada aur hi kuchh hai

Ameer Minai

---

---

ada se dekh lo jata rahe gila dil ka
bas ek nigah pe Thahra hai faisla dil ka

Arshad Ali Khan Qalaq

---

---