روزی رساں خدا ہے فکر معاش مت کر
اس خار کا تو دل میں خوف خراش مت کر

میر محمدی بیدار

---

---

سایہ سے اپنے وحشت کرتے ہیں مثل آہو
مشکل ہے ہاتھ لگنا از خود رمیدکاں کا

میر محمدی بیدار

---

---

سب لٹا عشق کے میدان میں عریاں آیا
رہ گیا پاس مرے دامن صحرا باقی

میر محمدی بیدار

---

---

شراب و ساقیٔ مہ رو جو ساتھ ہوں بیدارؔ
تو خوش نما ہے شب ماہتاب میں دریا

میر محمدی بیدار

---

---

تیغ بر دوش سپر ہاتھ میں دامن کرداں
یہ بنا صورت خونخوار کہاں جاتا ہے

میر محمدی بیدار

---

---

ٹک اے بت اپنے مکھڑے سے اٹھا دے گوشۂ برقع
کہ ان مسجد نشینوں کو ہے دعویٰ دین داری کا

میر محمدی بیدار

---

---

یاد کرتے ہیں تجھے دیر و حرم میں شب و روز
اہل تسبیح جدا صاحب زنار جدا

میر محمدی بیدار

---

---