کیسے بھولے ہوئے ہیں گبر و مسلماں دونوں
دیر میں بت ہے نہ کعبے میں خدا رکھا ہے

لالہ مادھو رام جوہر

---

---

کر سکے دل کی وکالت نہ تری بزم میں لوگ
اس کچہری میں تو مختار بھی مجبور رہے

لالہ مادھو رام جوہر

---

---

کٹتے کسی طرح سے نہیں ہائے کیا کروں
دن ہو گئے پہاڑ مجھے انتظار کے

لالہ مادھو رام جوہر

---

---

کون ہوتے ہیں وہ محفل سے اٹھانے والے
یوں تو جاتے بھی مگر اب نہیں جانے والے

لالہ مادھو رام جوہر

---

---

کون سی شب مجھ کو ہوگی لیلۃ القدر اے خدا
دیکھیے تشریف وہ کس دن مرے گھر لائیں گے

لالہ مادھو رام جوہر

---

---

خاک میں دل کو ملاتے ہو غضب کرتے ہو
اندھے آئینے میں کیا دیکھو گے صورت اپنی

لالہ مادھو رام جوہر

---

---

خموشی دل کو ہے فرقت میں دن رات
گھڑی رہتی ہے یہ آٹھوں پہر بند

لالہ مادھو رام جوہر

---

---