دیار یار کا شاید سراغ لگ جاتا
جدا جو جادۂ مقصود سے سفر ہوتا

غلام مولیٰ قلق

---

---

دل کے ہر جزو میں جدائی ہے
درد اٹھے آبلہ اگر بیٹھے

غلام مولیٰ قلق

---

---

فکر ستم میں آپ بھی پابند ہو گئے
تم مجھ کو چھوڑ دو تو میں تم کو رہا کروں

غلام مولیٰ قلق

---

---

گلی سے اپنی ارادہ نہ کر اٹھانے کا
ترا قدم ہوں نہ فتنہ ہوں میں زمانے کا

غلام مولیٰ قلق

---

---

ہے اگر کچھ وفا تو کیا کہنے
کچھ نہیں ہے تو دل لگی ہی سہی

غلام مولیٰ قلق

---

---

ہم اس کوچے میں اٹھنے کے لیے بیٹھے ہیں مدت سے
مگر کچھ کچھ سہارا ہے ابھی بے دست و پائی کا

غلام مولیٰ قلق

---

---

ہر سنگ میں کعبہ کے نہاں عشوۂ بت ہے
کیا بانیٔ اسلام بھی غارت گر دیں تھا

غلام مولیٰ قلق

---

---