اسی پر خوش ہیں کہ اک دوسرے کے ساتھ رہتے ہیں
ابھی تنہائی کا مطلب نہیں سمجھے ہیں گھر والے

شجاع خاور

---

---

جیسا منظر ملے گوارا کر
تبصرے چھوڑ دے نظارا کر

شجاع خاور

---

---

جن کو قدرت ہے تخیل پر انہیں دکھتا نہیں
جن کی آنکھیں ٹھیک ہیں ان کو تخیل چاہئے

شجاع خاور

---

---

جو زندہ ہو اسے تو مار دیتے ہیں جہاں والے
جو مرنا چاہتا ہو اس کو زندہ چھوڑ دیتے ہیں

شجاع خاور

---

---

کرم ہے مجھ پہ کسی اور کے جلانے کو
وہ شخص مجھ پہ کوئی مہربان تھوڑی ہے

شجاع خاور

---

---

کچھ نہیں بولا تو مر جائے گا اندر سے شجاعؔ
اور اگر بولا تو پھر باہر سے مارا جائے گا

if silent I remain I will suffocate inside
and if I speak I will surely be crucified

شجاع خاور

---

---

مرے حالات کو بس یوں سمجھ لو
پرندے پر شجر رکھا ہوا ہے

شجاع خاور

---

---