lab-e-nazuk ke bose lun to missi munh banati hai
kaf-e-pa ko agar chumun to mehndi rang lati hai

Aasi Ghazipuri

---

---

osan laban sin dene kaha kah ke phir gaya
pyala bhara sharab ka afsos gir gaya

Abroo Shah Mubarak

---

---

ose mein honT ulTa aashiq ka kaT khaya
tera dahan maze sin pur hai pe hai kaTora

Abroo Shah Mubarak

---

---

namkin goya kabab hain phike sharab ke
bosa hai tujh laban ka maze-dar chaTpaTa

Abroo Shah Mubarak

---

---

us waqt dil pe kyunke kahun kya guzar gaya
bosa lete liya to sahi lek mar gaya

Abroo Shah Mubarak

---

---

hum ko gali ke liye bhi lab hila sakte nahin
ghair ko bosa diya to munh se dikhla kar diya

Adil Mansuri

---

---

jo un ko lipTa ke gal chuma haya se aane laga pasina
hui hai boson ki garm bhaTTi khinche na kyunkar sharab-e-ariz

Ahmad Husain Mail

---

---