dasht mein kaisi diwaren
majnun kis ka ham-saya

Shahzad Ahmad

---

---

diwar kis taraf se baDhe kuchh KHabar nahin
hai be-shumar shahron mein jangal ghira hua

Shahzad Ahmad

---

---

dil bhi to ek dayar hai raushan hara-bhara
aankhon ka ye charag bujha aur dekh le

Shahzad Ahmad

---

---

dil o nigah ka ye fasla bhi kyun rah jae
agar tu aae to main dil ko aankh mein rakh lun

Shahzad Ahmad

---

---

dil par bhi aao ek nazar Dalte chalen
shayad chhupe hue hon yahin din bahaar ke

Shahzad Ahmad

---

---

dil pe ai dost qayamat si guzar jati hai
tum nigah-e-ghalat-andaz se dekha na karo

Shahzad Ahmad

---

---

dil sa wahshi kabhi qabu mein na aaya yaro
haar kar baiTh gae jal bichhane wale

Shahzad Ahmad

---

---

din nikalte hi wo KHwabon ke jazire kya hue
subh ka suraj meri aankhen chura kar le gaya

Shahzad Ahmad

---

---

duniya mein andheron ke siwa aur raha kya
ek teri tamanna so charagh-e-sahari hai

Shahzad Ahmad

---

---