ye kya tilism hai kyun raat bhar sisakta hun
wo kaun hai jo diyon mein jala raha hai mujhe

Saqi Faruqi

---

---

jis ki hawas ke waste duniya hui aziz
wapas hue to us ki mohabbat KHafa mili

Saqi Faruqi

---

---

ab ghar bhi nahin ghar ki tamanna bhi nahin hai
muddat hui socha tha ki ghar jaenge ek din

Saqi Faruqi

---

---

abhi nazar mein Thahar dhyan se utar ke na ja
is ek aan mein sab kuchh tabah kar ke na ja

Saqi Faruqi

---

---

ajab ki sabr ki miad baDhti jati hai
ye kaun log hain fariyaad kyun nahin karte

Saqi Faruqi

---

---

ujhe labon pe hai boson ki rakh bikhri hui
main is bahaar mein ye rakh bhi uDa dunga

Saqi Faruqi

---

---

dil hi ayyar hai be-wajh dhaDak uThta hai
warna afsurda hawaon mein bulawa kaisa

Saqi Faruqi

---

---

duniya pe apne ilm ki parchhaiyan na Dal
ai raushni-farosh andhera na kar abhi

Saqi Faruqi

---

---

Dub jaane ka saliqa nahin aaya warna
dil mein girdab the lahron ki nazar mein hum the

Saqi Faruqi

---

---