ek ek kar ke log bichhaDte chale gae
ye kya hua ki waqfa-e-matam nahin mila

Saqi Faruqi

---

---

hadsa ye hai ki hum jaan na moattar kar pae
wo to KHush-bu tha use yun bhi bikhar jaana tha

Saqi Faruqi

---

---

had-bandi-e-KHizan se hisar-e-bahaar tak
jaan raqs kar sake to koi fasla nahin

Saqi Faruqi

---

---

hairani mein hun aaKHir kis ki parchhain hun
wo bhi dhyan mein aaya jis ka saya koi na tha

Saqi Faruqi

---

---

hum tang-na-e-hijr se bahar nahin gae
tujh se bichhaD ke zinda rahe mar nahin gae

Saqi Faruqi

---

---

ek yaad ki maujudgi sah bhi nahin sakte
ye baat kisi aur se kah bhi nahin sakte

Saqi Faruqi

---

---

aag ho dil mein to aankhon mein dhanak paida ho
ruh mein raushni lahje mein chamak paida ho

Saqi Faruqi

---

---

KHak main us ki judai mein pareshan phirun
jab ki ye milna bichhaDna meri marzi nikla

Saqi Faruqi

---

---

KHamushi chheD rahi hai koi nauha apna
TuTta jata hai aawaz se rishta apna

Saqi Faruqi

---

---