kyun parakhte ho sawalon se jawabon ko 'adim'
honT achchhe hon to samjho ki sawal achchha hai

Adeem Hashmi

---

---

kisi ko KHwab mein aksar pukarte hain hum
'ata' isi liye sote mein honT hilte hain

Ahmad Ata

---

---

so dekh kar tere ruKHsar o lab yaqin aaya
ki phul khilte hain gulzar ke alawa bhi

Ahmad Faraz

---

---

muskurae baghair bhi wo honT
nazar aate hain muskurae hue

Anwar Shuoor

---

---

sirf us ke honT kaghaz par bana deta hun main
KHud bana leti hai honTon par hansi apni jagah

Anwar Shuoor

---

---

kuchh to mil jae lab-e-shirin se
zahr khane ki ijazat hi sahi

Arzoo Lakhnavi

---

---

honTon par ek bar saja kar apne honT
us ke baad na baaten karna so jaana

Ateeq Allahabadi

---

---