nae charagh jala yaad ke KHarabe mein
watan mein raat sahi raushni manaya ka

Saqi Faruqi

---

---

mujhe samajhne ki koshish na ki mohabbat ne
ye aur baat zara pechdar main bhi tha

Saqi Faruqi

---

---

mujhe KHabar thi mera intizar ghar mein raha
ye hadsa tha ki main umr bhar safar mein raha

Saqi Faruqi

---

---

mujhe gunah mein apna suragh milta hai
wagarna parsa-o-din-dar main bhi tha

Saqi Faruqi

---

---

mujh mein sat samundar shor machate hain
ek KHayal ne dahshat phaila rakkhi hai

Saqi Faruqi

---

---

mujh ko meri shikast ki dohri saza mili
tujh se bichhaD ke zindagi duniya se ja mili

Saqi Faruqi

---

---

muddat hui ek shaKHs ne dil toD diya tha
is waste apnon se mohabbat nahin karte

Saqi Faruqi

---

---

miT jaega sehr tumhaari aankhon ka
apne pas bula legi duniya ek din

Saqi Faruqi

---

---

mera akela KHuda yaad aa raha hai mujhe
ye sochta hua girja bula raha hai mujhe

Saqi Faruqi

---

---