had-bandi-e-KHizan se hisar-e-bahaar tak
jaan raqs kar sake to koi fasla nahin

Saqi Faruqi

---

---

aag ho dil mein to aankhon mein dhanak paida ho
ruh mein raushni lahje mein chamak paida ho

Saqi Faruqi

---

---

ek ek kar ke log bichhaDte chale gae
ye kya hua ki waqfa-e-matam nahin mila

Saqi Faruqi

---

---

Dub jaane ka saliqa nahin aaya warna
dil mein girdab the lahron ki nazar mein hum the

Saqi Faruqi

---

---

duniya pe apne ilm ki parchhaiyan na Dal
ai raushni-farosh andhera na kar abhi

Saqi Faruqi

---

---

dil hi ayyar hai be-wajh dhaDak uThta hai
warna afsurda hawaon mein bulawa kaisa

Saqi Faruqi

---

---

ujhe labon pe hai boson ki rakh bikhri hui
main is bahaar mein ye rakh bhi uDa dunga

Saqi Faruqi

---

---

ajab ki sabr ki miad baDhti jati hai
ye kaun log hain fariyaad kyun nahin karte

Saqi Faruqi

---

---

abhi nazar mein Thahar dhyan se utar ke na ja
is ek aan mein sab kuchh tabah kar ke na ja

Saqi Faruqi

---

---