قائمؔ جو کہیں ہیں فارسی یار
اس سے تو یہ ریختہ ہے بہتر

قائم چاندپوری

---

---

پہلے ہی اپنی کون تھی واں قدر و منزلت
پر شب کی منتوں نے ڈبو دی رہی سہی

قائم چاندپوری

---

---

پہلے ہی گدھا ملے جہاں شیخ
اس کعبہ کو ہے سلام اپنا

قائم چاندپوری

---

---

پروانے کی شب کی شام ہوں میں
یا روز کی شمع کی سحر ہوں

قائم چاندپوری

---

---

پوچھو ہو مجھ سے تم کہ پیے گا بھی تو شراب
ایسا کہاں کا شیخ ہوں یا پارسا ہوں میں

قائم چاندپوری

---

---

قائمؔ حیات و مرگ بز و گاؤ میں ہیں نفع
اس مردمی کے شور پہ کس کام کا ہوں میں

قائم چاندپوری

---

---

قائمؔ میں اختیار کیا شاعری کا عیب
پہنچا نہ کوئی شخص جب اپنے ہنر تلک

قائم چاندپوری

---

---

قاضی خبر لے مے کو بھی لکھا ہے واں مباح
رشوت کا ہے جواز تری جس کتاب میں

قائم چاندپوری

---

---

قائمؔ میں ریختہ کو دیا خلعت قبول
ورنہ یہ پیش اہل ہنر کیا کمال تھا

قائم چاندپوری

---

---