dushmani mujh se kiye ja magar apna ban kar
jaan le le meri sayyaad magar pyar ke sath
Qateel Shifai
dur tak chhae the baadal aur kahin saya na tha
is tarah barsat ka mausam kabhi aaya na tha
Qateel Shifai
garmi-e-hasrat-e-nakaam se jal jate hain
hum charaghon ki tarah sham se jal jate hain
I burn up in the flames of unfulfilled desire
like lanterns are, at eventide I am set afire
Qateel Shifai
girte hain samundar mein baDe shauq se dariya
lekin kisi dariya mein samundar nahin girta
Qateel Shifai
gungunati hui aati hain falak se bunden
koi badli teri pazeb se Takrai hai
Qateel Shifai
haalat se KHauf kha raha hun
shishe ke mahal bana raha hun
Qateel Shifai
hum ko aapas mein mohabbat nahin karne dete
ek yahi aib hai is shahr ke danaon mein
Qateel Shifai
hum use yaad bahut aaenge
jab use bhi koi Thukraega
Qateel Shifai
hamein bhi nind aa jaegi hum bhi so hi jaenge
abhi kuchh be-qarari hai sitaro tum to so jao
Qateel Shifai