chalo achchha hua kaam aa gai diwangi apni
wagarna hum zamane bhar ko samjhane kahan jate
twas a good thing that my madness was to some avail
else, for my state, what other reason could the world I show?
Qateel Shifai
a-pas-e-dil jise apne labon se bhi chhupaya tha
mera wo raaz tere hijr ne pahuncha diya sab tak
Qateel Shifai
apni zaban to band hai tum KHud hi soch lo
paDta nahin hai yunhi sitam-gar kisi ka nam
Qateel Shifai
apne liye ab ek hi rah najat hai
har zulm ko raza-e-KHuda kah liya karo
Qateel Shifai
ahbab ko de raha hun dhoka
chehre pe KHushi saja raha hun
Qateel Shifai
achchha yaqin nahin hai to kashti Duba ke dekh
ek tu hi naKHuda nahin zalim KHuda bhi hai
Qateel Shifai
abhi to baat karo hum se doston ki tarah
phir iKHtilaf ke pahlu nikalte rahna
Qateel Shifai
ab jis ke ji mein aae wahi pae raushni
hum ne to dil jala ke sar-e-am rakh diya
whoever so desires may now partake of its heat
for I have set my heart afire and left it on the street
Qateel Shifai
aaya hi tha abhi mere lab pe wafa ka nam
kuchh doston ne hath mein patthar uTha liye
Qateel Shifai