apni zaban to band hai tum KHud hi soch lo
paDta nahin hai yunhi sitam-gar kisi ka nam
Qateel Shifai
angDai par angDai leti hai raat judai ki
tum kya samjho tum kya jaano baat meri tanhai ki
Qateel Shifai
chalo achchha hua kaam aa gai diwangi apni
wagarna hum zamane bhar ko samjhane kahan jate
twas a good thing that my madness was to some avail
else, for my state, what other reason could the world I show?
Qateel Shifai
dad-e-safar mili hai kise rah-e-shauq mein
hum ne miTa diye hain nishan apne panw ke
Qateel Shifai
dil pe aae hue ilzam se pahchante hain
log ab mujh ko tere nam se pahchante hain
Qateel Shifai
dushmani mujh se kiye ja magar apna ban kar
jaan le le meri sayyaad magar pyar ke sath
Qateel Shifai
dur tak chhae the baadal aur kahin saya na tha
is tarah barsat ka mausam kabhi aaya na tha
Qateel Shifai
garmi-e-hasrat-e-nakaam se jal jate hain
hum charaghon ki tarah sham se jal jate hain
I burn up in the flames of unfulfilled desire
like lanterns are, at eventide I am set afire
Qateel Shifai
girte hain samundar mein baDe shauq se dariya
lekin kisi dariya mein samundar nahin girta
Qateel Shifai