hausla kis mein hai yusuf ki KHaridari ka
ab to mahngai ke charche hain zuleKHaon mein

Qateel Shifai

---

---

husn ko chand jawani ko kanwal kahte hain
un ki surat nazar aae to ghazal kahte hain

Qateel Shifai

---

---

jab bhi aata hai mera nam tere nam ke sath
jaane kyun log mere nam se jal jate hain

whenever my name happens to be linked to thee
I wonder why these people burn with jealousy

Qateel Shifai

---

---

jit le jae koi mujh ko nasibon wala
zindagi ne mujhe danw pe laga rakkha hai

Qateel Shifai

---

---

jis barahman ne kaha hai ki ye sal achchha hai
us ko dafnao mere hath ki rekhaon mein

Qateel Shifai

---

---

jo bhi aata hai batata hai naya koi ilaj
baT na jae tera bimar masihaon mein

Qateel Shifai

---

---

kis tarah apni mohabbat ki main takmil karun
gham-e-hasti bhi to shamil hai gham-e-yar ke sath

Qateel Shifai

---

---

kuchh kah rahi hain aap ke sine ki dhaDkanen
mera nahin to dil ka kaha man jaiye

Qateel Shifai

---

---

kya jaane kis ada se liya tu ne mera nam
duniya samajh rahi hai ki sach-much tera hun main

Qateel Shifai

---

---