kis tarah apni mohabbat ki main takmil karun
gham-e-hasti bhi to shamil hai gham-e-yar ke sath
Qateel Shifai
angDai par angDai leti hai raat judai ki
tum kya samjho tum kya jaano baat meri tanhai ki
Qateel Shifai
jis barahman ne kaha hai ki ye sal achchha hai
us ko dafnao mere hath ki rekhaon mein
Qateel Shifai
jit le jae koi mujh ko nasibon wala
zindagi ne mujhe danw pe laga rakkha hai
Qateel Shifai
jab bhi aata hai mera nam tere nam ke sath
jaane kyun log mere nam se jal jate hain
whenever my name happens to be linked to thee
I wonder why these people burn with jealousy
Qateel Shifai
husn ko chand jawani ko kanwal kahte hain
un ki surat nazar aae to ghazal kahte hain
Qateel Shifai
hausla kis mein hai yusuf ki KHaridari ka
ab to mahngai ke charche hain zuleKHaon mein
Qateel Shifai
hamein bhi nind aa jaegi hum bhi so hi jaenge
abhi kuchh be-qarari hai sitaro tum to so jao
Qateel Shifai
hum use yaad bahut aaenge
jab use bhi koi Thukraega
Qateel Shifai