supurd kar ke use chandni ke hathon mein
main apne ghar ke andheron ko lauT aaungi

Parveen Shakir

---

---

tera ghar aur mera jangal bhigta hai sath sath
aisi barsaten ki baadal bhigta hai sath sath

Parveen Shakir

---

---

tere paimane mein gardish nahin baqi saqi
aur teri bazm se ab koi uTha chahta hai

Parveen Shakir

---

---

tere tohfe to sab achchhe hain magar mauj-e-bahaar
ab ke mere liye KHushbu-e-hina aai ho

Parveen Shakir

---

---

tujhe manaun ki apni ana ki baat sunun
ulajh raha hai mere faislon ka resham phi

Parveen Shakir

---

---

us ke yun tark-e-mohabbat ka sabab hoga koi
ji nahin ye manta wo bewafa pahle se tha

Parveen Shakir

---

---

tu badalta hai to be-saKHta meri aankhen
apne hathon ki lakiron se ulajh jati hain

Parveen Shakir

---

---

kisi ke dhyan mein Duba hua dil
bahane se mujhe bhi Talta hai

Parveen Shakir

---

---

titliyan pakaDne mein dur tak nikal jaana
kitna achchha lagta hai phul jaise bachchon pa

Parveen Shakir

---

---