wo to KHush-bu hai hawaon mein bikhar jaega
masala phul ka hai phul kidhar jaega

Parveen Shakir

---

---

wo na aaega hamein malum tha is sham bhi
intizar us ka magar kuchh soch kar karte rahe

Parveen Shakir

---

---

wo mujh ko chhoD ke jis aadmi ke pas gaya
barabari ka bhi hota to sabr aa jata

Parveen Shakir

---

---

wo mere panw ko chhune jhuka tha jis lamhe
jo mangta use deti amir aisi thi

Parveen Shakir

---

---

wo kahin bhi gaya lauTa to mere pas aaya
bas yahi baat hai achchhi mere harjai ki

Parveen Shakir

---

---

us ne mujhe dar-asl kabhi chaha hi nahin tha
KHud ko de kar ye bhi dhoka, dekh liya hai

Parveen Shakir

---

---

tere paimane mein gardish nahin baqi saqi
aur teri bazm se ab koi uTha chahta hai

Parveen Shakir

---

---

tera ghar aur mera jangal bhigta hai sath sath
aisi barsaten ki baadal bhigta hai sath sath

Parveen Shakir

---

---

supurd kar ke use chandni ke hathon mein
main apne ghar ke andheron ko lauT aaungi

Parveen Shakir

---

---