wo mere panw ko chhune jhuka tha jis lamhe
jo mangta use deti amir aisi thi

Parveen Shakir

---

---

wo mujh ko chhoD ke jis aadmi ke pas gaya
barabari ka bhi hota to sabr aa jata

Parveen Shakir

---

---

wo na aaega hamein malum tha is sham bhi
intizar us ka magar kuchh soch kar karte rahe

Parveen Shakir

---

---

wo to KHush-bu hai hawaon mein bikhar jaega
masala phul ka hai phul kidhar jaega

Parveen Shakir

---

---

yahi wo din the jab ek dusre ko paya tha
hamari sal-girah Thik ab ke mah mein hai

Parveen Shakir

---

---

ye hawa kaise uDa le gai aanchal mera
yun satane ki to aadat mere ghanshyam ki thi

Parveen Shakir

---

---

ye kya ki wo jab chahe mujhe chhin le mujh se
apne liye wo shaKHs taDapta bhi to dekhun

Parveen Shakir

---

---

yun bichhaDna bhi bahut aasan na tha us se magar
jate jate us ka wo muD kar dobara dekhna

Parveen Shakir

---

---

yun dekhna us ko ki koi aur na dekhe
inam to achchha tha magar shart kaDi thi

Parveen Shakir

---

---