ab kya milen kisi se kahan jaen ham'nizam'
hum wo nahin rahe wo mohabbat nahin rahi

Nizam Rampuri

---

---

ab to sab ka tere kuche hi mein maskan Thahra
yahi aabaad hai duniya mein zamin thoDi si

Nizam Rampuri

---

---

ab tum se kya kisi se shikayat nahin mujhe
tum kya badal gae ki zamana badal gaya

Nizam Rampuri

---

---

abhi to kaha hi nahin main ne kuchh
abhi tum jo aankhen churane lage

Nizam Rampuri

---

---

andaz apna dekhte hain aaine mein wo
aur ye bhi dekhte hain koi dekhta na ho

looking in the mirror she sees her savoir-faire
and also looks to see no one is peeping there

Nizam Rampuri

---

---

apni andaz ke kah sher na kah ye tu 'nizam'
ki chunan baiTh gaya aur chunin baiTh gai

Nizam Rampuri

---

---

ahr-e-hasti se kuch hai darpesh
yaad mansuba-e-hubab rahe

Nizam Rampuri

---

---

e-saKHta nigahen jo aapas mein mil gain
kya munh par us ne rakh liye aankhen chura ke hath

Nizam Rampuri

---

---

osa to us lab-e-shirin se kahan milta hai
galiyan bhi milin hum ko to milin thoDi si

Nizam Rampuri

---

---