hue numud jo pistan to sharm kha ke kaha
ye kya bala hai jo uThti hai mere sine se

Nizam Rampuri

---

---

ek baat likhi hai kya hi main ne
tujh se to na nama-bar kahunga

Nizam Rampuri

---

---

ek wo ki raat din rahen mahfil mein us ki hae
ek hum ki tarsen saya-e-diwar ke liye

Nizam Rampuri

---

---

is qadar aap ka itab rahe
dil ko mere na iztirab rahe

Nizam Rampuri

---

---

jo jo maze kiye hain zaban se main kya kahun
pas apne aaj tak tere munh ka ugal hai

Nizam Rampuri

---

---

jo ki nadan hai wo kya jaane teri chahat ki qadr
ai pari diwana banna kaam hai hoshiyar ka

Nizam Rampuri

---

---