main na kahta tha ki bahkaenge tum ko dushman
tum ne kis waste aana mere ghar chhoD diya

Nizam Rampuri

---

---

lipTa ke shab-e-wasl wo us shoKH ka kahna
kuchh aur hawas is se ziyaada to nahin hai

Nizam Rampuri

---

---

kya kisi se kisi ka haal kahen
nam bhi to liya nahin jata

Nizam Rampuri

---

---

kya dua roz-e-hashr ki mangen
wahan par bhi yahi KHuda hoga

Nizam Rampuri

---

---

ku-e-jaanan mein gar ab jaen bhi to kya dekhen
koi rauzan na raha ban gai diwar nai

Nizam Rampuri

---

---

kis qadar hijr mein behoshi hai
jagna bhi hai hamara sona

Nizam Rampuri

---

---

kis ka hai intizar kahan dhyan hai laga
kyun chaunk chaunk jate ho aawaz-e-pa ke sath

Nizam Rampuri

---

---

KHushbu wo pasine ki teri yaad na aa jae
gul kaisa kabhi itr bhi sungha na karenge

Nizam Rampuri

---

---

kahin us bazm tak rasai ho
phir koi dekhe ehtimam mera

Nizam Rampuri

---

---