kya kisi se kisi ka haal kahen
nam bhi to liya nahin jata

Nizam Rampuri

---

---

na ban aaya jab un ko koi jawab
to munh pher kar muskurane lage

Nizam Rampuri

---

---

muntazir hun kisi ke aane ka
kis ki aankhon mein aa ke KHwab rahe

Nizam Rampuri

---

---

mere milne se jo yun hath uTha-baiTha tu
nahin malum ki dil mein tere kya baiTh gaya

Nizam Rampuri

---

---

mazmun sujhte hain hazaron nae nae
qasid ye KHat nahin mere gham ki kitab hai

Nizam Rampuri

---

---

manzur kya hai ye bhi to khulta nahin sabab
milta to hai wo hum se magar kuchh ruka hua

Nizam Rampuri

---

---

main na kahta tha ki bahkaenge tum ko dushman
tum ne kis waste aana mere ghar chhoD diya

Nizam Rampuri

---

---

lipTa ke shab-e-wasl wo us shoKH ka kahna
kuchh aur hawas is se ziyaada to nahin hai

Nizam Rampuri

---

---

KHushbu wo pasine ki teri yaad na aa jae
gul kaisa kabhi itr bhi sungha na karenge

Nizam Rampuri

---

---