تیغ بر دوش سپر ہاتھ میں دامن کرداں
یہ بنا صورت خونخوار کہاں جاتا ہے
میر محمدی بیدار
ٹک اے بت اپنے مکھڑے سے اٹھا دے گوشۂ برقع
کہ ان مسجد نشینوں کو ہے دعویٰ دین داری کا
میر محمدی بیدار
یاد کرتے ہیں تجھے دیر و حرم میں شب و روز
اہل تسبیح جدا صاحب زنار جدا
میر محمدی بیدار
یہ بھی آنا ہے کوئی اس سے نہ آنا بہتر
آئے دم بھی نہ ہوا کہتے ہو جاؤں جاؤں
میر محمدی بیدار
گر وہ بت گلنار قبا جلوہ نما ہو
دیں خرقۂ اسلام کو اہل حرم آتش
میر محمدی بیدار
آپ کو آپ میں نہیں پاتا
جی میں یاں تک مرے سمائے ہو
میر محمدی بیدار
عبث مل مل کے دھوتا ہے تو اپنے دست نازک کو
نہیں جانے کی سرخی ہاتھ سے خون شہیداں کی
میر محمدی بیدار
اگر چلی ہے تو چل یوں کہ پات بھی نہ ہلے
خلل نہ لائے صبا تو فراغ میں گل کے
میر محمدی بیدار
عجب کی ساحری اس من ہرن کی چشم فتاں نے
دیا کاجل سیاہی لے کے آنکھوں سے غزالاں کی
میر محمدی بیدار