sab ke liye jahan mein abr-e-karam hain wo
chaaron taraf baraste hain ek bund idhar nahin

Lala Madhav Ram Jauhar

---

---

sab ko mahfil mein nasib un ke nazare honge
hum kahin ghash mein paDe ek kinare honge

Lala Madhav Ram Jauhar

---

---

sadme uThaen rashk ke kab tak jo ho so ho
ya to raqib hi nahin ya aaj hum nahin

Lala Madhav Ram Jauhar

---

---

samjha liya fareb se mujh ko to aap ne
dil se to puchh lijiye kyun be-qarar hai

Lala Madhav Ram Jauhar

---

---

sar phoD ke mar jaenge badnam karenge
jis kaam se Darte ho wahi kaam karenge

Lala Madhav Ram Jauhar

---

---

sauda-e-zulf-e-yar mein hai talKH zindagi
ye zahr hum ne mol liya sanp pal ke

Lala Madhav Ram Jauhar

---

---

sayyaad o baghban mein bahut hoti hai salah
aisa na ho kahin gul o bulbul mein jang ho

Lala Madhav Ram Jauhar

---

---

shararat dil mein us but ke bhari hai
isi patthar mein hain lakhon sharar band

Lala Madhav Ram Jauhar

---

---

sine se lipTo ya gala kaTo
hum tumhaare hain dil tumhaara hai

Lala Madhav Ram Jauhar

---

---