do hi din mein ye sanam hosh-ruba hote hain
kal ke tarshe hue but aaj KHuda hote hain

Lala Madhav Ram Jauhar

---

---

dost dil rakhne ko karte hain bahane kya kiya
roz jhuTi KHabar-e-wasl suna jate hain

Lala Madhav Ram Jauhar

---

---

dost do-chaar nikalte hain kahin lakhon mein
jitne hote hain siwa utne hi kam hote hain

Lala Madhav Ram Jauhar

---

---

duniya bahut KHarab hai ja-e-guzar nahin
bistar uThao rahne ke qabil ye ghar nahin

Lala Madhav Ram Jauhar

---

---

duniya se jaane walon ko raste mein gham nahin
sidhi saDak hai pher ki rah-e-adam nahin

Lala Madhav Ram Jauhar

---

---

fasl-e-gul aate hi wahshat ho gai
phir wahi apni tabiat ho gai

Lala Madhav Ram Jauhar

---

---

ghair ko sharbat-e-didar mubarak tera
ab to pani bhi piyega na tere ghar ka koi

Lala Madhav Ram Jauhar

---

---

ghairon se to fursat tumhein din raat nahin hai
han mere liye waqt-e-mulaqat nahin hai

Lala Madhav Ram Jauhar

---

---

hae main kis ko bataun kaun dil ko le gaya
shakl dekhi hai magar waqif nahin hun nam se

Lala Madhav Ram Jauhar

---

---