suKHan-e-saKHt se dil pahle hi tum toD chuke
ab agar baat banao bhi to kya hota hai

Lala Madhav Ram Jauhar

---

---

sunsan kar diya mere pahlu ko le ke dil
zalim ne luT kar meri basti tabah ki

Lala Madhav Ram Jauhar

---

---

sunta hun main ki aaj wo tashrif laenge
allah sach kare kahin jhuTi KHabar na ho

Lala Madhav Ram Jauhar

---

---

su-e-kaba chalun ki jaanib-e-dair
is do-rahe pe dil bhaTakta hai

Lala Madhav Ram Jauhar

---

---

surat to dikhate hain gale se nahin milte
aankhon ki to sun lete hain dil ki nahin sunte

Lala Madhav Ram Jauhar

---

---

taDap raha hai dil ek nawak-e-jafa ke liye
usi nigah se phir dekhiye KHuda ke liye

Lala Madhav Ram Jauhar

---

---

tasawwur zulf ka hai aur main hun
bala ka samna hai aur main hun

Lala Madhav Ram Jauhar

---

---

tashrif lao kucha-e-rindan mein waizo
sidhi si rah tum ko bata den najat ki

Lala Madhav Ram Jauhar

---

---

tera qusur-war KHuda ka gunahgar
jo kuchh ki tha yahi dil-e-KHana-KHarab tha

Lala Madhav Ram Jauhar

---

---