koson mai-e-gulgun ki hawa le gai mujh ko
ye lal-pari ghar se uDa le gai mujh ko

Lala Madhav Ram Jauhar

---

---

ku-e-jaanan mein na ghairon ki rasai ho jae
apni jagir ye ya-rab na parai ho jae

Lala Madhav Ram Jauhar

---

---

kya bataun kis tarah dil aa gaya
kya kahun kaise mohabbat ho gai

Lala Madhav Ram Jauhar

---

---

kya buri hai meri taqdir ilahi tauba
sulh ka nam jo lun aur laDai ho jae

Lala Madhav Ram Jauhar

---

---

kya karen hum jo nahin hum se mohabbat tujh ko
kis tarah zor hamara tere dil par ho jae

Lala Madhav Ram Jauhar

---

---

kya yaad kar ke roun ki kaisa shabab tha
kuchh bhi na tha hawa thi kahani thi KHwab tha

Lala Madhav Ram Jauhar

---

---

laDne ko dil jo chahe to aankhen laDaiye
ho jang bhi agar to mazedar jang ho

Lala Madhav Ram Jauhar

---

---

main dair o haram ho ke tere kuche mein pahuncha
do manzilon ka pher bas ai yar paDa hai

Lala Madhav Ram Jauhar

---

---

main ne minnat kabhi ki ho to bata den zahid
kaun se roz sifarish ko gunahgar aaya

Lala Madhav Ram Jauhar

---

---