teri baaton se aaj to waiz
wo jo thi KHwahish-e-najat gai

Jigar Moradabadi

---

---

tere jamal ki taswir khinch dun lekin
zaban mein aankh nahin aankh mein zaban nahin

Jigar Moradabadi

---

---

teri KHushi se agar gham mein bhi KHushi na hui
wo zindagi to mohabbat ki zindagi na hui

Jigar Moradabadi

---

---

tujhe bhul jaana to mumkin nahin hai
magar bhul jaane ko ji chahta hai

Jigar Moradabadi

---

---

un ka jo farz hai wo ahl-e-siyasat jaanen
mera paigham mohabbat hai jahan tak pahunche

Jigar Moradabadi

---

---

us ne apna bana ke chhoD diya
kya asiri hai kya rihai hai

Jigar Moradabadi

---

---

usi ko kahte hain jannat usi ko dozaKH bhi
wo zindagi jo hasinon ke darmiyan guzre

Jigar Moradabadi

---

---

wahi hai zindagi lekin 'jigar' ye haal hai apna
ki jaise zindagi se zindagi kam hoti jati hai

Jigar Moradabadi

---

---

wo chiz kahte hain firdaus-e-gum-shuda jis ko
kabhi kabhi teri aankhon mein pai jati hai

Jigar Moradabadi

---

---