wo hazar dushman-e-jaan sahi mujhe phir bhi ghair aziz hai
jise KHak-e-pa teri chhu gai wo bura bhi ho to bura nahin

Jigar Moradabadi

---

---

wo KHalish jis se tha hangama-e-hasti barpa
waqf-e-betabi-e-KHamosh hui jati hai

Jigar Moradabadi

---

---

wo the na mujh se dur na main un se dur tha
aata na tha nazar to nazar ka qusur tha

Jigar Moradabadi

---

---

ya wo the KHafa hum se ya hum hain KHafa un se
kal un ka zamana tha aaj apna zamana hai

Jigar Moradabadi

---

---

ye ishq nahin aasan itna hi samajh lije
ek aag ka dariya hai aur Dub ke jaana hai

Jigar Moradabadi

---

---

ye mai-KHana hai bazm-e-jam nahin hai
yahan koi kisi se kam nahin hai

Jigar Moradabadi

---

---

ye misra kash naqsh-e-har-dar-o-diwar ho jae
jise jina ho marne ke liye tayyar ho jae

Jigar Moradabadi

---

---

ye raaz sun rahe hain ek mauj-e-dil-nashin se
Dube hain hum jahan par ubhrenge phir wahin se

Jigar Moradabadi

---

---

ye roz o shab ye subh o sham ye basti ye virana
sabhi bedar hain insan agar bedar ho jae

Jigar Moradabadi

---

---