lakh aaftab pas se ho kar guzar gae
hum baiThe intizar-e-sahar dekhte rahe

a million suns have come and gone
still I sat waiting watching out for dawn

Jigar Moradabadi

---

---

lakhon mein intiKHab ke qabil bana diya
jis dil ko tum ne dekh liya dil bana diya

Jigar Moradabadi

---

---

labon pe mauj-e-tabassum nigah mein barq-e-ghazab
koi batae ye andaz-e-barhami kya hai

Jigar Moradabadi

---

---

le ke KHat un ka kiya zabt bahut kuchh lekin
thartharaate hue hathon ne bharam khol diya

Jigar Moradabadi

---

---

main jahan hun tere KHayal mein hun
tu jahan hai meri nigah mein hai

Jigar Moradabadi

---

---

main to jab manun meri tauba ke baad
kar ke majbur pila de saqi

Jigar Moradabadi

---

---

mai-kasho muzhda ki baqi na rahi qaid-e-makan
aaj ek mauj baha le gai maiKHane ko

Jigar Moradabadi

---

---

marg-e-ashiq to kuchh nahin lekin
ek masiha-nafas ki baat gai

Jigar Moradabadi

---

---

masarrat zindagi ka dusra nam
masarrat ki tamanna mustaqil gham

Jigar Moradabadi

---

---