aa ki tujh bin is tarah ai dost ghabraata hun main
jaise har shai mein kisi shai ki kami pata hun main

Jigar Moradabadi

---

---

aai jab un ki yaad to aati chali gai
har naqsh-e-ma-siwa ko miTati chali gai

Jigar Moradabadi

---

---

aankhon ka tha qusur na dil ka qusur tha
aaya jo mere samne mera ghurur tha

Jigar Moradabadi

---

---

aankhon mein nami si hai chup chup se wo baiThe hain
nazuk si nigahon mein nazuk sa fasana hai

Jigar Moradabadi

---

---

aabaad agar na dil ho to barbaad kijiye
gulshan na ban sake to bayaban banaiye

Jigar Moradabadi

---

---

aadat ke baad dard bhi dene laga maza
hans hans ke aah aah kiye ja raha hun main

Jigar Moradabadi

---

---

aadmi aadmi se milta hai
dil magar kam kisi se milta hai

People meet each other, fairly frequently
But, meeting of hearts, seldom does one see

Jigar Moradabadi

---

---

aadmi ke pas sab kuchh hai magar
ek tanha aadamiyyat hi nahin

Jigar Moradabadi

---

---

aaghaz-e-mohabbat ka anjam bas itna hai
jab dil mein tamanna thi ab dil hi tamanna hai

Jigar Moradabadi

---

---