saz-e-ulfat chhiD raha hai aansuon ke saz par
muskurae hum to un ko bad-gumani ho gai

Jigar Moradabadi

---

---

sab ko hum bhul gae josh-e-junun mein lekin
ek teri yaad thi aisi jo bhulai na gai

Jigar Moradabadi

---

---

sab ko mara 'jigar' ke sheron ne
aur 'jigar' ko sharab ne mara

Jigar Moradabadi

---

---

saba ye un se hamara payam kah dena
gae ho jab se yahan subh-o-sham hi na hui

Jigar Moradabadi

---

---

sabhi andaz-e-husn pyare hain
hum magar sadgi ke mare hain

Jigar Moradabadi

---

---

sadaqat ho to dil sinon se khinchne lagte hain waiz
haqiqat KHud ko manwa leti hai mani nahin jati

Jigar Moradabadi

---

---

sehn-e-chaman ko apni bahaaron pe naz tha
wo aa gae to sari bahaaron pe chha gae

Jigar Moradabadi

---

---

taswir ke do ruKH hain jaan aur gham-e-jaanan
ek naqsh chhupana hai ek naqsh dikhana hai

Jigar Moradabadi

---

---

teri aankhon ka kuchh qusur nahin
han mujhi ko KHarab hona tha

Jigar Moradabadi

---

---