ek lafz-e-mohabbat ka adna ye fasana hai
simTe to dil-e-ashiq phaile to zamana hai

Jigar Moradabadi

---

---

is tarah KHush hun kisi ke wada-e-farda pe main
dar-haqiqat jaise mujh ko e'tibar aa hi gaya

Jigar Moradabadi

---

---

ishq jab tak na kar chuke ruswa
aadmi kaam ka nahin hota

till love does not cause him disgrace
in this world man has no place

Jigar Moradabadi

---

---

ishq par kuchh na chala dida-e-tar ka qabu
us ne jo aag laga di wo bujhai na gai

Jigar Moradabadi

---

---

itne hijabon par to ye aalam hai husn ka
kya haal ho jo dekh len parda uTha ke hum

Jigar Moradabadi

---

---

ja aur koi zabt ki duniya talash kar
ai ishq hum to ab tere qabil nahin rahe

Jigar Moradabadi

---

---

jaan hi de di 'jigar' ne aaj pa-e-yar par
umr bhar ki be-qarari ko qarar aa hi gaya

Jigar Moradabadi

---

---

jab mili aankh hosh kho baiThe
kitne hazir-jawab hain hum log

Jigar Moradabadi

---

---

jahl-e-KHirad ne din ye dikhae
ghaT gae insan baDh gae sae

Jigar Moradabadi

---

---