hamin jab na honge to kya rang-e-mahfil
kise dekh kar aap sharmaiyega

Jigar Moradabadi

---

---

har taraf chha gae paigham-e-mohabbat ban kar
mujh se achchhi rahi qismat mere afsanon ki

Jigar Moradabadi

---

---

hasin teri aanhken hasin tere aansu
yahin Dub jaane ko ji chahta hai

Jigar Moradabadi

---

---

husn ke har jamal mein pinhan
meri ranai-e-KHayal bhi hai

Jigar Moradabadi

---

---

husn ko bhi kahan nasib 'jigar'
wo jo ek shai meri nigah mein hai

Jigar Moradabadi

---

---

husn ko kya dushmani hai ishq ko kya bair hai
apne hi qadmon ki KHud hi Thokaren khata hun main

Jigar Moradabadi

---

---

hun KHata-kar siyahkar gunahgar magar
kis ko baKHshe teri rahmat jo gunahgar na ho

Jigar Moradabadi

---

---

ibtida wo thi ki jina tha mohabbat mein muhaal
intiha ye hai ki ab marna bhi mushkil ho gaya

Jigar Moradabadi

---

---

idhar se bhi hai siwa kuchh udhar ki majburi
ki hum ne aah to ki un se aah bhi na hui

Jigar Moradabadi

---

---