aaghaz-e-mohabbat ka anjam bas itna hai
jab dil mein tamanna thi ab dil hi tamanna hai
Jigar Moradabadi
aa ki tujh bin is tarah ai dost ghabraata hun main
jaise har shai mein kisi shai ki kami pata hun main
Jigar Moradabadi
aap ke dushman rahen waqf-e-KHalish sarf-e-tapish
aap kyun gham-KHwari-e-bimar-e-hijran kijiye
Jigar Moradabadi
aatish-e-ishq wo jahannam hai
jis mein firdaus ke nazare hain
Jigar Moradabadi
ab to ye bhi nahin raha ehsas
dard hota hai ya nahin hota
Jigar Moradabadi
agar na zohra-jabinon ke darmiyan guzre
to phir ye kaise kaTe zindagi kahan guzre
Jigar Moradabadi
ahbab mujh se qat-e-talluq karen 'jigar'
ab aaftab-e-zist lab-e-baam aa gaya
Jigar Moradabadi
ai mohtasib na phenk mere mohtasib na phenk
zalim sharab hai are zalim sharab hai
Jigar Moradabadi
aisa kahan bahaar mein ranginiyon ka josh
shamil kisi ka KHun-e-tamanna zarur tha
Jigar Moradabadi