aap ke dushman rahen waqf-e-KHalish sarf-e-tapish
aap kyun gham-KHwari-e-bimar-e-hijran kijiye
Jigar Moradabadi
aaj na jaane raaz ye kya hai
hijr ki raat aur itni raushan
Jigar Moradabadi
aaghaz-e-mohabbat ka anjam bas itna hai
jab dil mein tamanna thi ab dil hi tamanna hai
Jigar Moradabadi
aadmi ke pas sab kuchh hai magar
ek tanha aadamiyyat hi nahin
Jigar Moradabadi
aadmi aadmi se milta hai
dil magar kam kisi se milta hai
People meet each other, fairly frequently
But, meeting of hearts, seldom does one see
Jigar Moradabadi
aadat ke baad dard bhi dene laga maza
hans hans ke aah aah kiye ja raha hun main
Jigar Moradabadi
aabaad agar na dil ho to barbaad kijiye
gulshan na ban sake to bayaban banaiye
Jigar Moradabadi
aankhon mein nami si hai chup chup se wo baiThe hain
nazuk si nigahon mein nazuk sa fasana hai
Jigar Moradabadi
aankhon ka tha qusur na dil ka qusur tha
aaya jo mere samne mera ghurur tha
Jigar Moradabadi