na main samjha na aap aae kahin se
pasina pochhiye apni jabin se

Anwar Dehlvi

---

---

wo baat sare fasane mein jis ka zikr na tha
wo baat un ko bahut na-gawar guzri hai

Faiz Ahmad Faiz

---

---

zindagi zinda-dili ka hai nam
murda-dil KHak jiya karte hain

Imam Bakhsh Nasikh

---

---

main bhi bahut ajib hun itna ajib hun ki bas
KHud ko tabah kar liya aur malal bhi nahin

Jaun Eliya

---

---

daman pe koi chhinT na KHanjar pe koi dagh
tum qatl karo ho ki karamat karo ho

Kaleem Aajiz

---

---

go qayamat se peshtar na hui
tum na aae to kya sahar na hui

Mela Ram Wafa

---

---

umr to sari kaTi ishq-e-butan mein 'momin'
aaKHiri waqt mein kya KHak musalman honge

Momin all your life in idol worship you did spend
How can you be a Muslim say now towards the end?

Momin Khan Momin

---

---