wo chehra kitabi raha samne
baDi KHubsurat paDhai hui

Bashir Badr

---

---

wo intizar ki chaukhaT pe so gaya hoga
kisi se waqt to puchhen ki kya baja hoga

Bashir Badr

---

---

wo itr-dan sa lahja mere buzurgon ka
rachi-basi hui urdu zaban ki KHushbu

Bashir Badr

---

---

wo jin ke zikr se ragon mein dauDti thin bijliyan
unhin ka hath hum ne chhu ke dekha kitna sard hai

Bashir Badr

---

---

wo matha ka matla ho ki honThon ke do misre
bachpan se ghazal hi meri mahbuba rahi hai

Bashir Badr

---

---

ye zafrani pullower usi ka hissa hai
koi jo dusra pahne to dusra hi lage

Bashir Badr

---

---

ye phul mujhe koi wirasat mein mile hain
tum ne mera kanTon bhara bistar nahin dekha

Bashir Badr

---

---

ye shabnami lahja hai aahista ghazal paDhna
titli ki kahani hai phulon ki zabani hai

Bashir Badr

---

---

ye parinde bhi kheton ke mazdur hain
lauT ke apne ghar sham tak jaenge

Bashir Badr

---

---